ഹൈകു

അഷിതയുടെ  ഹൈകു കവിതകള്‍ സുന്ദരം! അതി സുന്ദരം!  ഇതാ ഇവിടെ :  http://www.madhyamam.com/weekly/1428
  

 എനിക്ക് തോന്നിയത് :


അവതാരം 

ഒന്ന്, രണ്ട്, മൂന്ന് വരിയാലെന്‍
മനം കവര്‍ന്നു
- ഹൈകു!



ശാന്തി 

മിന്നല്‍പിണര്‍ പോല്‍ പാഞ്ഞു
പോകും സ്വപ്നം മാത്രമോ
ലോക ശാന്തി ?


വീട്ടമ്മ

 മക്കളെ പോറ്റുന്നവള്‍
ഭാവി തീര്‍ക്കുന്നവള്‍ കൂടിയാണ്
- ഒരു ശരാശരി വീട്ടമ്മ.


ദൃശ്യം

എന്‍ കണ്ണില്‍
എല്ലാം ഇരുള്‍ മാത്രം
ഉച്ചസുര്യന്‍ പോലും


കാരുണ്യം 

ഏകാന്തത കാര്‍ന്നുതിന്നുന്ന
എന്‍ ഹൃദയത്തില്‍
കാരുണ്യമായി പെയ്തു ഈ ഹൈകു !



ഉപമ 

പട്ടുനൂലിനോടു  വാഴനാര്
എച്ചുകെട്ടുന്നത് പോലെയോ
എന്‍ ഹൈകു ?


ഉത്തരങ്ങള്‍ 

വെറും മൂന്ന് വരികളില്‍
ഇത്രയേറെ പ്രേമം നിറഞ്ഞ
കവിത! അദ്ഭുതം!


വാര്‍ധക്യം 

എത്ര സത്യം !
ഞാന്‍ എന്‍ അമ്മയായ് മാറുന്നു
 - അത് തന്നെ ജീവിതം!

മാതൃത്വം

 ഞാന്‍ നിന്നില്‍ ആയിരിക്കുക...
നിന്‍റെ ശരീരത്തിന്‍റെ ഭാഗം ആയിരിക്കുക...
നിന്‍റെ രക്തം എന്‍റെ ഞരമ്പുകളിലും ഒഴുകുക...
നിന്‍റെ ഹൃദയമിടിപ്പുകള്‍ എന്‍റെ കാതുകളില്‍ മുഴങ്ങുക...

ഞാന്‍ നിന്‍റെ ഗര്‍ഭപാത്രത്തില്‍ ജീവിക്കുക...

അതാകട്ടെ ദൈവമേ നമ്മള്‍ തമ്മിലെ ബന്ധം